धादिङ – धादिङको जोगिमारामा शनिबार बिहान गाडी दुर्घटना हुँदा ४१ जना घाइते भएका छन् ।
टिकापुरबाट काठमाडौंका लागि छुटेको ना ४ ख ४४२० नम्बरको बस र विपरित दिसातर्फ जाँदै गरेको ना ४ ख १६७४ नम्बरको ट्रकसँग ठोक्किँदा दुर्घटना भएको इलाका प्रहरी कार्यालय गजुरीका प्रहरी निरीक्षक संजय तिमल्सीनाले बताउनुभयो ।
दुर्घटनामा घाइते भएका ४१ जनामध्ये ६ जनाको अवस्था गम्भीर रहेकोले छ । उनीहरुलाई थप उपचारका लागि काठमाडौंको ट्रमा सेन्टरमा ल्याइएको छ । बाँकीको सामुदायिक अस्पताल मलेखु र प्राथमिक स्वास्थ्य केन्द्र गजुरीमा उपचार भइरहेको छ ।
दुर्घटनापछि राजमार्ग केहीबेर अवरुद्ध भएको थियो । अहिले एकातर्फी गाडी संचालनमा आएको प्रहरीले जनाएको थियो ।
