यस्तो रह्यो, प्रधानमन्त्री देउवाको भारतमा तीर्थयात्रा (फोटोफिचर)

काठमाडौं – भारत भ्रमणमा रहनुभएका प्रधानमन्त्री शेरबहादुर देउवा द्विपक्षीय भेटघाट सकाएपछि तीर्थाटनमा व्यस्त हुनुभयो ।  हैदरावादबाट आन्ध्र प्रदेशस्थित प्रसिद्ध हिन्दु देवस्थल तिरुपति बालाजीको दर्शन एवम् पुजाअर्चनाका लागि प्रधानमन्त्री आन्ध्र प्रदेश पुग्नुभएको थियो ।

उहाँलाई आन्ध्र प्रदेशका आवास मन्त्री के श्रीनिवासनले तिरुपति विमानस्थलमा स्वागत गर्नुभएको थियो। प्रधानमन्त्रीकी धर्मपत्नी डा आरजु राणा देउवा, संस्कृति, पर्यटन तथा नागरिक उड्डयन मन्त्री जितेन्द्रनारायण देव, सांसदहरु एवम् भ्रमण दलका सदस्यहरु प्रधानमन्त्री देउवाको साथमा हुनुहुन्थ्यो।

प्रधानमन्त्री देउवाले तिरुपति बालाजी मन्दिरमा विशेष पूजा अर्चना गर्नुभएको थियो। त्यसपछि  प्रधानमन्त्री देउवा विहार पुग्नुभएको थियो। विहारमा उहाँलाई विहारस्थित गया विमानस्थलमा विहारका शिक्षामन्त्री कृष्णनन्दन बर्माले स्वागत गर्नुभएको थियो ।

विमानस्थलमा उहाँको विशेष स्वागतका लागि नवकन्या एवं विभिन्न वैदिक साँस्कृतिक वाद्यवादक समूहको उपस्थिति थियो ।

 

तपाईको प्रतिक्रिया
© २०१६ सर्वाधिकार समुद्रपारिमा सुरक्षित