काठमाडौं – गायक एवम् संगीतकार अरुण थापाको १८ औं स्मृति दिवस पारेर बिहीबार विभिन्न कार्यत्रम गरिँदैछ । उहाँको सम्झनामा भक्तपुमा विशेष सांगीतिक कार्यक्रम हुँदैछ ।
दिउँसो तीन बजे भक्तपुरको मोर्डन स्कुलमा हुने कार्यक्रममा नयाँ तथा पुरोनो पुस्ताका १५ जना कलाकारले उहाँका गीत गाउने गीतकार सुवासचन्द्र ढुंगेलले जानकारी दिनुभएको छ ।
२०११ माघ ९ गते जन्मिनुभएका थापाको २०५६ साल साउन ५ गते निधन भएको थियो ।
उहाँका ऋतुहरुमा तिमी हरियाली बसन्त हौ, भुलुँ भुलुँ लाग्यो मलाई, साँझको जुनसँगै, चोट के हो व्यथा के हो, जति माया लाएपनि लगायतका गीत चर्चित छन् ।
उहाँले २०३६ सालमा तिमीबाट धेरै टाढा भएपछि बोलको गीत रेकर्ड गराएर सांगीतिक यात्रा सुरु गर्नुभएको थियो ।
