काठमाडौं – राष्ट्रलाई आवश्यक प्राविधिक जनशक्ति र प्रविधि निर्माण गर्दैै विकास अभियानमा लाग्न राष्ट्रिय अविष्कार केन्द्र गठन गरेका सामाजिक अभियान्ता महावीर पुनले आफुले पाएका राष्ट्रिय अन्तराष्ट्रिय पदक विक्रीमा राखेर नौलो तरंग ल्याउनुभएको छ ।
आविष्कार केन्द्रमार्फत नयाँ योजना तय र प्रविधित उपलब्धि हासिल गर्न लागिपरेका महाावीर सरकारसंग आवश्यक सहयोगका लागि हारगुहार गरेर थाकेपछि सर्वसाधरण नेपाली संग पैसा बृद्धि र समयको सहयोग माग्दै आउनुभएको छ ।
देश विदेशमा रहेको नेपाली हितैषीको स्वैच्छिक महादानबा केन्द्रमा ४ करोड रुपैयाँ जम्माा भईसकेको छ, महावीर सेन्टर फर नेपाल कनेक्सनको ठमेलस्थित क्याफेमा शनिवार उनले भने यही अभियानमा थोरैतिनो आर्थिक भरथेग होस भनेरै आफुले पाएका पदक विक्रीमा राखेको हुँ ।’
यी पदकहरु उहाँले आफ्नो ठमेल अफिसमा सार्बजनिक प्रदर्शनीमा राख्नुभएको छ । यीमध्ये एसियाको नोबेल पुरस्कार मानिने म्यागासेसे उहाँले ५० हजार अमेरिकी डलरसहित पाउनुभएको थियो । प्रतिष्ठित पदक विक्रीमा राखिए पनि यिनको मुल्य निर्धारण गरिएको छैन् ।
केन्द्रले राखेको लक्ष्य र योजनामा बल पुर्याउन १० महिनायता सुरु ‘स्वैच्छिक महादान’ मा ५० करोड रुपैंयाँ संकलन गरी जलविद्युत परियोजना संचालन गर्दै यसको नियमित आम्दानीबाट आविष्कार केन्द्रलाई परिणाममुखी बनाउने योजना बुनेको छ ।
