टोकियो-जापानमा भएको एक वक्तृत्वकला प्रतियोगितामा नेपाली युवा शरद राईले प्रथम उपाधी हासिल गरेका छन् । पुरस्कार स्वारूप उनले ११ लाख १० हजार जापानी येन जितेका छन् ।
प्रतियोगिताको फाइनलमा राईसँगै अर्का नेपाली विष्णु भण्डारी पनि पुगेका थिए । भण्डारीले दोस्रो स्थान हासिल गरेका छन् । उनले दोस्रो पुरस्कार स्वारूप पुस्तक प्रकाशन गर्न पाउने भएका छन् । दुईजना नेपाली र एक जापानी युवती फाइनलमा पुगेका थिए ।
अनलाईन मतका अाधारमा हजार बढी सहभागीमा राई, भण्डारी र जापानी युवती फाइनलमा प्रवेश गरेका थिए । अाज शनिवार भएको फाइनलमा राईले निकै उत्कृष्ट प्रस्तुती गरेर धेरैको मत प्राप्त गरेका थिए । राई खोटाङ जिल्लाका हुन भने अर्का प्रतियोगी भण्डारी पोखराका हुन । ***