काठमाडौं – ब्राजिलका फुटबल खेलाडीहरु लिएर उडेको विमान मंगलबार कोलम्बियामा दुर्घटनाग्रस्त भएको छ ।
विमान दुर्घटनाग्रस्त भएको कोलम्बिया सरकारले पुष्टि गरेको हो । विमानमा चालक दलका सदस्यसहित ८१ जना यात्री रहेको बीबीसीले जनाएको छ ।
विमानमा को–को फुटबल खेलाडी थिए भन्ने पुष्टि भइसकेको छैन । उक्त विमानमा रहेका खेलाडीहरु साउथ अमेरिकन फुटबलको च्याम्पियन अमेरिकाको फाइनल खेल खेल्न जाँदै थिए ।
प्रारम्भिक रिपोर्ट अनुसार राति करिब सवा १० बजे विमान दुर्घटनामा परेको जनाईएको छ । दुर्घटनास्थलमा उद्धारकर्ताहरु खटिएका छन् । क्षतिबारे आधिकारिक विवरण आइसकेको छैन् । दुर्घटनापछि उक्त फाइनल खेल भने स्थगित गरिएको छ । –एजेन्सी