काठमाडौं – चर्चित लोकगायिका एवं सञ्चारकर्मी कोमल ओली राप्रपामा प्रवेश गरेपछि हास्यकलाकार दीपकराज गिरीले ब्यङ्गात्मक शुभकामना दिएका छन् ।
कलाकार गिरीले आफ्नो फेसबुकमा स्टाट्स लेख्दै एउटा पशुपति (महादेवलाई) पुकार्दा महादेव जस्तो पोइ नपाएपनि अर्का पशुपतिको पार्टीमा पुगेर जनताको सेवा गर्नुस् भन्दै कोमललाई शुभकामना दिएका हुन् । उनले आफ्नो स्ट्याटसमा लेखेका छन्, ‘कलाकार जुनसुकै पार्टीमा जाउन् ‘ देश र जनताको सेवा होस्, कोमलजी शुभकामना !!’
यसअघि दीपकराज गिरीले सरोज खनाल र करिश्मा मानन्धर नयाँ शक्ति पार्टीमा प्रवेश गर्दा पनि कडा ब्यङ्ग्य गरेका थिए । गायिका तथा सञ्चारकर्मी वली सोमबार मात्र राप्रपामा प्रवेश गरेकी हुन् ।