शुक्रबार, चैत्र १६, २०८०
Friday, March 29, 2024

धनकुटा – नेकपा (एमाले)का नेता भीम आचार्यले अख्तियार दुरुपयोग अनुसन्धान आयोगका प्रमुख लोकमानसिंह कार्कीले समानन्तर प्रशासन चलाउने प्रयास गरेका कारण उनका विरुद्ध महाभियोग प्रस्ताव ल्याउनु परेको बताउनुभएको छ ।
प्रेस चौतारी नेपालले धनकुटामा आयोजना गरेको पत्रकार सम्मेलनमा उहाँले कार्कीले समानान्तर सरकार चलाउन मात्र खोजेनन्, अदालतको मानहानी हुनेगरी संवैधानिक व्यवस्थाको धज्जी उडाउने भएकाले पनि उनका विरुद्धको महाअभियोग प्रस्ताव संसद्को दुई तिहाइ मतले पारित हुने दाबी गर्नुभयो । एमाले प्रदेश नं. १ का इन्चार्ज समेत रहनुभएका नेता आचार्यले संविधान कार्यन्वयनका लागि दलबीचको एकता आजको आवश्यकता हो भन्दै दलबीचको सहमति र सहकार्यबाट नै मुलुकको समृद्धि हुने बताउनुभयो ।
संविधान कार्यन्वयनमा सबै दल एक ठाउँमा नआए सङ्घीय संसद्, प्रदेश र स्थानीय तहको निर्वाचन सम्भव नहुने बताउँदै उहाँले भन्नुभयो– संविधान कार्यान्वयनका लागि दलबीच सहकार्य गर्न एमालेले छलफल अगाडि बढाएको छ । नेता आचार्यले संविधानमा सबैजातजाती, भाषा, धर्म र समुदायको अधिकार सुनिश्चित गरेकाले अब अधिकारको आन्दोलको आवश्यकता नभएको बताउनुभयो ।

तपाईको प्रतिक्रिया