काठमाडौँ – मकवानपुरको मनहरी–३ स्थित रमनटारमा बस दुर्घटना हुँदा ९ जनाको मृत्यु भएको छ ।
काठमाडौँबाट गाइघाटर्फ गइरहेको ना ५ ख ५०५५ नम्बरको बस र काँकडभिट्टाबाट काठमाडौै आइरहेको ना. ५ ख ४०६४ नम्बरको बस आपसमा ठोक्किँदा दुर्घटना भएको हो । दुर्घटनामा ६ जनाको घटनास्थलमै, दुई जनाको अस्पताल लैजाने क्रममा र एक जनाको उपचारका क्रममा मृत्यु भएको मकवानपुर प्रहरीले जनाएको छ । मृतकहरुको पहिचान हुन सकेको छैन् ।
दुर्घटनामा अन्य ३१ जना घाइते भएका छन् । उनीहरूको हेटौंडाको चुरेहिल अस्पतालमा उपचार भइरहेको छ ।
घाइतेमध्ये चार जनाको अवस्था गम्भीर छ ।
