टोकियो - जापान आफ्नो सुपर फास्ट ट्रेन र विशेष गरी शिन्कानसेन बुलेट ट्रेनहरूको लागि परिचित छ । गतिको हिसाबले सबैभन्दा छिटो भएपनि जापानका रेलहरू निकै सुरक्षित छन् । झन्डै ५० वर्षको निरन्तर सेवामा यात्रु दुर्घटना भएको छैन । यस बाहेक जापानमा भूकम्प बढी आउने भएकाले शिन्कानसेन रेलमा भूकम्पका लागि विशेष स्वचालित एयर ब्रेकको सुविधा पनि छ ।

टोकियो - नेपालीहरूको संख्या धेरै रहेको जापानमा मन्दिर बनाउने अभियान गरिएको छ । धर्मप्रति आस्थावान् धेरैले हिन्दुहरूका लागि पूजापाठ तथा दर्शन गर्न मन्दिरको आवश्यकताको महसुस गरिरहेको बेला यसलाई मूर्तरूप दिन अभियान सुरु गरिएको हो । मन्दिर निर्माणको निमित्त बेलाबेलामा चर्चा भइरहेपनि त्यसले पूर्णता भने पाएको थिएन । मन्दिर निर्माण अभियानको सुरुवात गर्दै व्यवसायी दीपक सुवेदीले आफ्नो तर्फबाट १ करोड जापानी येन सहयोग गर्ने प्रतिबद्धता व्यक्त गरेका हुन् ।

काठमाडौं - नेपालमा उत्पादित हाइड्रोजनबाट पहिलो पटक सवारीसाधन सञ्चालनमा आएको छ । देशभित्रै उत्पादित हाइड्रोजन इन्धन कारमा भरेर धुलिखेलमा सञ्चालनमा ल्याइएको हो । काठमाडौं विश्वविद्यालय (केयु) ले काभ्रेको धुलिखेलस्थित आफ्नै परिसरमा हाइड्रोजन रिफ्युलिङ स्टेसन निर्माण गरी हाइड्रोजन इन्जिनयुक्त कारमा हरित हाइड्रोजन भरेर गुडाएको हो ।