काठमाडौं- नायक एवम् निर्माता अर्जुन कार्कीले सम्पुर्ण नेपाली कलाकारहरुको प्रतिनिधित्व गर्दे विश्वको सर्वोच्च शिखर सगरमाथा आरोहण गर्ने भएका छन् ।उहाँले सर्वोच्च शिखर सगरमाथामा नेपाल सहित चलचित्र कलाकार संघको झण्डा फहराउने पनि निर्माता कार्कीले जानकारी दिनुभयो ।
उहाँले यही चैत ५ गतेदेखि पशुपति मन्दिर परिसरबाट आफ्नो यात्रा प्रारम्भ गर्नेछन् । पशुपति परिसरदेखि सगरमाथा सम्मको यात्रा ७५ दिनको रहने जनाइएको छ ।
निर्माता कार्कीको सगरमाथा यात्रा ‘बाल शोषण, महिला हिंसा, यौन दुराचार कलंकीत यो मानव जाती, रोकौ सद् ब्यावहार’ले भन्ने नारामा केन्द्रित रहनेछ ।
उहाँले भन्नुभयो, मैले सगरमाथा चढ्ने योजना तत्कालको भने होइन्, लामो समयको प्रयास पछि आज मेरो सपना पुरा हुने देखेको छु खुसी हुदै भन्नुभयो । अझै हिमालको टुप्पोमा पुगेर नफर्किएसम्म संधर्ष जारी नै छ ।
निर्माता कार्कीले सगरमाथा आरोहणको बजेट ४५ लाख छुट्याइएको पनि बताउनुभयो । उहाँले यो बजेट कुनै संघसंस्थाको अनुदान नदिएको बताउदै केही नजिकको साथीभाईले उत्साहले दिएको बताउनुभयो ।
उहाँले भन्नुभया, यो रकम म सिनेमामा पनि लगानी गर्न सक्थे तर सिनेमा निर्माण गुर्नमा भन्दा सर्बोच्च शिखर सगरमाथामा पाइला राख्नुको आनन्द नै बेग्लै छ ।
चलचित्र ‘बजार’को निर्माण गरि आफ्नो चलचित्र यात्रा सुरु गरेका कार्कीले करीव डेढ दर्जन सिनेमाहरुमा अभिनय गरिसकेका छन् । उहाँको अभिनित सिनेमा ‘बरदान’ यही फागुन २५ गते प्रर्दशनमा आउने भएको छ ।
