शुक्रबार, चैत्र १६, २०८०
Friday, March 29, 2024

७ साले आन्दोलनले राणा शासन हरायो,
४६ सालको आन्दोलनले दरबार डरायो
५२ मा एकथरिको आन्दोलनले शान्ति हरायो
६२, ६३ पछि शान्ति आयो, राम्रो भो दरबारै हरायो !!!

समय बित्दै जाँदा अहिले मेरो मनै डरायो
त्यसपछि त मेरा आफ्ना धेरै चीज हरायो
नङ्ग्याईदिने हुन् कि कतै मनै डरायो
राष्ट्रिय पोशाक हाम्रो दौरासुरुवाल नै हरायो !!!

 

बिन्ति मलाई नकाट भन्दै सपनीमा गाई करायो
धर्मप्रति मान्छेहरुको आस्था हरायो
तमुवान, थरुवान, लिम्बुवान खै के के आयो
समग्रमा हाम्रो राष्ट्रियता भन्ने शब्दै हरायो !!!

 

‘हरियो बन नेपालको धन’ भनेको वनै हरायो
सबै जातीय नारा गाउन थाले, राष्ट्रियगान गाउनै हरायो
छुट्टै प्रदेश चाहियो भन्दै मधेशका दाइ करायो
डर लाग्छ भन्छन् कि आधा नेपाल देशै हरायो !!!

 

नेताजीहरुका पाराले सोंच्न बाध्य गरायो
भन्न पो पर्ने हो कि हाम्रो राष्ट्रिय झण्डै हरायो
शक्ति सम्पन्न भयो भन्दै उत्तर र दक्षिण करायो
भन्नै पर्ने भएको छ अब, मेरो त देशै हरायो !!!

बिकासको त देशमा मेलै हरायो
भन्नचाँही नपरे हुन्थ्यो मेरो त देशै हरायो !!!

 

टोकियो, जापान

 

 

 

 

तपाईको प्रतिक्रिया