काठमाडौं- नेपाल सरकारले सञ्चालन गरेको सरसफाई अभियानमा चलचित्रकर्मीहरुले पनि रत्नपार्कमा झाडु कुचो लगाएका छन् ।राष्ट्रिय स्वयमसेवी अभियानमा एक पटक भएपनि स्वयमसेवी भएर देखा परेका कलाकारलाई सरकारले जसरी ढिला समयमा यो अभियनामा सरिक हुन आग्रह गरेको थियो त्यसैगरी सरकारले कलाकारहरुलाई पन्जा र मास्क विना सरसफाईमा अभियनमा सरिक गराउदा उनीहरुले नरमाईलो माने ।
बुधबार दिउँसो एक बजे करिब ५० को संख्यामा पुगेका कलाकारहरुले एउटा बेल्चा र झाडुको भरमा रत्नपार्कको शान्ति बाटिका सफा गरे । अशोक शर्माले भुईको गोबर बेल्चाले उठाउदै गर्दा गायक राजेश पायल राईले सो फोहरलाई डोकोमा थाप्दै गर्दा उनी गोबरको गन्धले झण्डै बेहोस भए । ‘घरमा पनि गरिएको थिएन यस्तो काम तर मास्क उपलब्ध गराईदिएको भए अझै राम्रो हुन्थ्यो’, एक हातले फोहर र एक हातले नाक थुन्दै राजेशले भने ।
सरसफाई कार्यक्रममा अभिनेत्रीहरु बसुन्धरा भुषाल, मौसमी मल्ल, झरना थापा, नन्दिता केसी, बिनिता बराल, रागिनी खड्गी, गायिका निशा सुनुवार लगायतको उपस्थिति थियो भने अभिनेता तर्फ राजबल्ल्भ कोईराला मात्र सरिक थिए ।
