काठमाडौं- सर्वोच्च अदालतले सरकारी सुविधा फिर्ता लिन सरकारलाई आदेश दिएपछि पूर्व प्रधानमन्त्रीहरुले गाडी फिर्ताको अभियान सुरु गरेका छन् ।सबैभन्दा बढी सरकारी सुविधा लिने एकीकृत नेकपा माओवादीका अध्यक्ष तथा पूर्व प्रधानमन्त्री पुष्पकमल दाहाल ‘प्रचण्ड’ले शनिबार आफूले पाएको सुविधा फिर्ता गर्ने निजी सचिवालयले जनाएको छ । स्वकीय सचिव समिर दाहालले सरकारले उपलब्ध गराएको गाडी र सुरक्षा शनिबारबाटै छाड्ने जानकारी दिनुभयो ।
यसअघि पूर्व प्रधानमन्त्री माधवकुमार नेपाल, सूर्यबहादुर थापा र लोकेन्द्रबहादुर चन्दले पाएको सुविधा फिर्ता लिन आग्रह गरिसक्नु भएको छ ।
